تم افتتاح شركة جديدة .. والشركة دي بحاجة لموظفين .. وطبعا ضمن شروظ معينة ..
صاحب الشركة دي نشر اعلان بالجريدة ... مع كتابة شروط التوظيف ..
وكانت كالاتي ..
* لا يقل عن الـــــ 25 سنه ..
* خبرة 5 سنوات على الاقل ..
* شهادة انهاء تانوية عامة ..
* يجيد استخدان جهاز الكمبيوتر ..
وفي يوم من الايام .. كان مدير الشركة جالس.. دق باب غرفته .. ودخل عليه شاب ..
الشاب ده كان حامل بايده الجريده بتاعت الاعلان .. فعرف المدير انه ده جاي علشان الوظيفة ..
رحب بيه .. وطلب له فنجان قهوة .. وابتدى المدير يستفسر عن الراجل ده ..
وقاله : انت عندك كام سنه ..؟؟
قال الشاب : انا 19 سنه يا بيه ..
قاله : بس مكتوب انه عاوزين الشخص لا يقل عن الــــ 25..
(( وفكر المدير انه ممكن يسامحه بالعمر لو كان عبقري .. وهيستفاد منه ))
وساله المدير : عندك خبرة بالمجال ده ..
قال : لا ..
(( لا حول ولا قوة الا بالله ))
المدير : بتعرف تستخدم الكمبيوتر ؟؟
الشاب : لا .. ابدا ايه ده يعني ؟؟؟
المدير غضب وساله : انت معاك شهاده انهاء تانويه عامه ..؟؟؟
الشاب : لا يا بيه .. اصلي ما روحتش المدرسة بحياتي ..!!!
غضب المدير .. وكان هيتفجر من القهر ...
وقاله بصراخ : امال انتا جيت تعمل ايه ؟؟؟؟؟
قال الشاب بتوتر .. : انا جيت اقولك متعملش حسابي بالوظيفة يا بيه ...!!!!!